Song : nikale the kahaaN jaane ke liye
Movie : Bahu Begum(1967)
Singer : Asha Bhonsle
Music : Roshan
Starring : Meena Kumari, Ashok Kumar, Pradeep Kumar, Helen

nikale the kahaaN jaane ke liye
pahuNche hai kahaaN maaloom nahiiN 
ab apane bhaTakate qadamoN ko
manzil kaa nishaaN maaloom nahiiN

ham ne bhii kabhii is gulshan meN
ek Khwaab-e-bahaaraa dekhaa thaa 
kab phool jhare, kab gard uRii
kab aa_ii KhizaaN maaloom nahiiN 

dil sholaa-e-Gam se Khaak huaa
yaa aag lagii armaanoN meN
kyaa cheez jalii kyooN seene se
uThaa hai dhuaaN maaloom nahiiN

barbaad wafaa kaa afasaanaa
ham kise kaheN aur kaise kaheN 
Khaamosh haiN lab aur duniyaa ko
ashkoN kii zubaaN maaloom nahiiN

Song : maut kitanii bhii sang_dil ho magar
Movie : Aaj Aur Kal (1963)
Singer : Asha Bhonsle
Music : Ravi
Starring : Nanda, Sunil Dutt, Ashok Kumar, Tanuja

maut kitanii bhii sang_dil ho magar
zindagii se to mehar_baaN hogii

nit nay ranj dil ko detii hai
zindagii har Khushii kii dushman hai
maut sab se nibaah karatii hai
zindagii zindagii kii dushman hai
kuchh na kuchh to sukoon paayegaa
maut ke bas meN jis kii jaaN hogii

rang aur nasl naam aur daulat
zindagii kitane farq maanatii hai
maut had_bandiyoN se ooNchii hai
saarii duniyaa ko ek jaanatii hai
jin usooloN pe mar rahe haiN ham
un usooloN kii qadr_daaN hogii

maut se aur kuchh mile na mile
zindagii se to jaan chhooTegii
muskuraahaT naseeb ho ke na ho
aaNsu_oN kii laRii to TooTegii
ham na hoNge to Gam kise hogaa
Khatm har Gam kii daastaaN hogii

Song : pighalaa hai sonaa door gagan par
Movie : Jaal (1952)
Singer : Lata Mangeshkar
Music : S. D. Burman
Starring : Geeta Bali, Dev Anand

pighalaa hai sonaa door gagan par
phail raheN haiN shaam ke saaye

bhagawan tere sundar rachanaa kitanii pyaarii hai
terii mahimaa ke guN gaataa har nar-naarii hai

Khaamoshii kuchh bol rahii haiN
bhed anokhe khol rahii haiN
paNkh pakheruu soch me gum haiN
peR khaRe hai sheesh jhukaaye

dhuNdale dhuNdale mast nazaareN
uRate baadal muRate dhaare
chhup ke nazar se jaane ye kis ne
rang-rangeele khel rachaaye

ko_ii bhii us kaa raaz na jaane
ek haqeeqat laaKh fasaane
ek hii jalawaa shaam sawere
bhes badal kar saamane aaye
​
​

Song : mere dil meN aaj kyaa hai, tuu kahe to maiN bataa dooN
Movie : Daag (1973)
Singer : Kishore Kumar
Music : Laxmikant-Pyarelal
Starring : Rajesh Khanna, Sharmila Tagore, Rakhee

mere dil meN aaj kyaa hai, tuu kahe to maiN bataa dooN
terii zulf phir sawaarooN, terii maaNg phir sajaa dooN

mujhe devataa banaa kar, terii chaahatoN ne poojaa
meraa pyaar kah rahaa hai, maiN tujhe Khudaa banaa dooN

ko_ii DhooNDhane bhii aaye, to hameN naa DhooNDh paaye
tuu mujhe kaheeN chhupaa de, maiN tujhe kaheeN chhupaa dooN

mere baazuoN me aakar, teraa dard chain paaye
tere gesuoN me chhupakar, maiN jahaaN ke Gam bhulaa dooN

​

Song : dil meN kisii ke pyaar ka
Movie : Ek Mahal Ho Sapnon Ka (1975)
Singers : Lata Mangeshkar
Music : Ravi
Starring : Sharmila Tagore, Dharmendra, Ashok Kumar, Leena Chandravarkar

dil meN kisii ke pyaar kaa jalataa huaa diyaa
duniyaa kii aaNdhiyoN se bhalaa ye bujhegaa kyaa

saaNsoN kii aaNch paa ke bhaRakataa rahegaa ye
seene meN dil ke saath dhaRakataa rahegaa ye
wo naqsh kyaa huaa jo miTaaye se miT gayaa
wo dard kyaa huaa jo dabaaye se dab gayaa

ye zindagii bhii kyaa hai amaanat unhiiN kii hai
ye shaayarii bhii kyaa hai inaayat unhiiN kii hai
ab wo karam kareN ki sitam un kaa faisalaa
ham ne to dil meN pyaar kaa sholaa jagaa liyaa

​

Song : chalo ik baar phir se, ajanabii ban jaayeN ham dono
Movie : Gumraah (1963)
Singer : Mahendra Kapoor
Music : Ravi
Starring : Ashok Kumar, Mala Sinha, Sunil Dutt

chalo ik baar phir se, ajanabii ban jaayeN ham dono

na maiN tum se ko_ii ummeed rakhooN dil_nawaazii kii
na tum merii taraf dekho galat andaaz nazaroN se
na mere dil kii dhaRakan laRakhaRaaye merii baatoN meN
na zaahir ho tumhaarii kash-ma-kash kaa raaz nazaroN se
chalo ik baar phir se, ajanabii ban jaayeN ham dono

tumheN bhii ko_ii uljhan rokatii hai pesh_qadamii se
mujhe bhii log kahate haiN ki ye jalwe paraaye haiN
mere ham_raah bhii rusvaaiyaaN haiN mere maazii kii
tumhaare saath bhii guzarii huii raatoN ke saaye haiN
chalo ik baar phir se, ajanabii ban jaayeN ham dono

taarruf rog ho jaaye to us ko bhoolanaa beh_tar
ta'alluq bojh ban jaaye to us ko toRanaa achchhaa
wo afasaanaa jise anjaam tak laanaa naa ho mumkin
use ek Khoob_soorat moR dekar chhoRanaa achchhaa
chalo ik baar phir se, ajanabii ban jaayeN ham dono
​

Song : kaahe tarasaaye jiyaraa
Movie : Chitralekha (1964)
Singer :  Asha Bhonsle, Usha Mangeshkar
Music : Roshan
Starring : Ashok Kumar, Meena Kumari, Pradeep Kumar

kaahe tarasaaye jiyaraa
yauwan Ritu sajan jaake naa aaye
kaahe jiyaraa tarasaaye
kaahe tarasaaye 

nit nit jaage naa
soyaa shringaar,
jhanan jhan jhanan, nit naa bulaaye
kaahe jiyaraa tarasaaye
kaahe tarasaaye 

nit nit aaye na
tan pe nikhaar
pawan man kamal nit naa khilaaye
kaahe jiyaraa tarasaaye
kaahe tarasaaye 

nit nit barase naa
ras kii phu_aar 
sapan ban gagan nit naa rulaaye
kaahe jiyaraa tarasaaye
kaahe tarasaaye 

Song : aage bhii jaane na too, peechhe bhii jaane na too
Movie : Waqt (1965)
Singer : Asha Bhonsle
Music Director : Ravi
Starring : Sadhana, Sunil Dutt, Raaj Kumar, Rehman, Shashikala, Shashi Kapoor, Sharmila Tagore

Picturized on Erica Lal

aage bhii jaane na too, peechhe bhii jaane na too
jo bhii hai bas yahii ik pal hai

anjaane saayoN kaa raahoN meN Deraa hai
andekhii baahoN ne ham sab ko gheraa hai
ye pal ujaalaa hai baaqii andheraa hai
ye pal gaNwaanaa naa ye pal hii teraa hai
jeenewaale soch le yahii waqt hai kar le poorii aarzoo

is pal ke jalwoN ne mehfil saNwaarii hai 
is pal kii garmii ne dhaDkan ubhaarii hai
is pal ke hone se duniyaa hamaarii hai
ye pal jo dekho to sadiyoN pe bhaarii hai
jeenewaale soch le yahii waqt hai kar le poorii aarzoo

is pal ke saaye meN apanaa Thikaanaa hai 
is pal kii aage kii har shay fasaanaa hai 
kal kis ne dekhaa hai kal kis ne jaanaa hai 
is pal se paayegaa jo tujh ko paanaa hai 
jeenewaale soch le yahii waqt hai kar le poorii aarzoo

Song : kaase kahooN man kii baat
Movie : Dhool Ka Phool (1959)
Singer : Sudha Malhotra 
Music : N. Dutta 
Starring : Rajendra Kumar, Mala Sinha, Ashok Kumar, Nanda, Manmohan Krishan

kaase kahooN man kii baat
haaN kaase kahooN man kii baat
bairii balamawaa dukhiyaa kar gaye 
sukh ko le gaye saath
kaase kahooN man kii baat

har aahaT pe aaNkh lag aaye 
baiThii rahii maiN sej sajaaye 
bedardii ne rain bitaa_ii 
sautaniyaa ke saath
kaase kahooN man kii baat

preet bhii jhooThii meet bhii jhooThe 
Thes lagii aur sapane TooTe 
nainan jal meN Doob ke rah ga_ii 
madhur milan kii raath
kaase kahooN man kii baat