apanaa dil pesh karooN apanii wafaa pesh karooN

Movie : Kaafir
Singer(s) : Asha Bhonsle
Music Director : Khaiyyam
Year : Unreleased
Picturized On : Unknown

apanaa dil pesh karooN apanii wafaa pesh karooN 
kuchh samajh meN nahiiN aataa tujhe kyaa pesh karooN 

mere KhwaaboN meN bhii tuu mere KhayaaloN meN bhii tuu
 kaun sii cheez tujhe tujh se judaa pesh karooN 

jo tere dil ko lubhaa le wo adaa mujh meN nahiiN 
kyoN na tujh ko ko_ii terii hii adaa pesh karooN 

tere milane kii Khushii meN ko_ii naGmaa chheRooN
yaa tere dard-e-judaa_ii kaa gilaa pesh karooN