tang aa chuke haiN kashmakash-e-zindagii se ham

Movie : Pyaasa
Singer(s) : Mohammad Rafi
Music Director : S. D. Burman
Year : 1957
Picturized on : Guru Dutt

tang aa chuke haiN kashmakash-e-zindagii se ham
Thukraa na deN jahaaN ko kahiiN bedilii se ham

ham Gamzadaa haiN laayeN kahaaN se Khushii ke geet
deNnge wahii jo paayeNge is zindagii se ham

ubharenge ek baar abhii dil ke walwale
maanaa ke dab gaye haiN Gham-e-zindagii se ham

lo aaj ham ne toD diyaa rishtaa-e-ummeed
lo ab kabhii gilaa na kareNge kisii se ham