toraa man darpan kah laaye

Song : toraa man darpan kah laaye
Movie : Kaajal
Singer : Asha Bhonsle
Music : Ravi
Year : 1965
Picturized On : Meena Kumari

praanii apane prabhuu se poochhe
kis vidhii paa_ooN tohe
prabhu kahe tuu man ko paale
paa jaayegaa mohe

toraa man darpan kah laaye
bhale bure saare karmoN ko
dekhe aur dikhaaye

man hii devataa man hii iishwar
man se baRaa na koye
man ujiyaaraajab jab jab phaile
jag ujiyaaraa hoye
is ujale darpan par praanii
dhool na jamane paaye
toraa man darpan kah laaye

sukh kii kaliyaaN dukh ke kaaNTeN
man sab kaa aadhaar
man se ko_ii baat chhupe na
man ke nain hazaar
jag se chaahe bhaag le ko_ii
man se bhaag na paaye
toraa man darpan kah laaye

tan kii daulat Dhalatii chhaayaa
man kaa dhan anmol
tan ke kaaraan man ko apane
mat maaTii meN rol
man kii qadar bhulaane waalaa
heeraa janam gaNwaaye
toraa man darpan kah laaye