tum agar saath dene kaa waadaa karo

Song : tum agar saath dene kaa waadaa karo
Movie : Humraaz (1964)
Singer : Mahendra Kapoor
Lyrics : Sahir Ludhianvi
Music : Ravi
Starring : Sunil Dutt, Vimmi, Raaj Kumar
Picturized On : Sunil Dutt

tum agar saath dene kaa waadaa karo
maiN yooN hii mast naGmeN luTaataa rahooN

tum mujhe dekh kar muskuraatii raho
maiN tumheN dekh kar geet gaataa rahooN

kitane jalwe fizaaoN meN bikhare magar
maiN ne ab tak kisii ko pukaaraa nahiiN
tum ko dekhaa to nazareN ye kahane lagiiN
ham ko chehare se haTanaa gaNwaaraa nahiiN
tum agar merii nazaroN ke aage raho
maiN har ik shay se nazareN churaataa rahooN

maiN ne KhwaaboN meN barasoN taraashaa jise
tum wahii sang-e-marmar kii tasveer ho
tum na samajho tumhaaraa muqaddar hooN maiN
maiN samajhataa hooN tum merii taqadeer ho
tum agar mujh ko apanaa samajhane lago
maiN bahaaroN kii mehfil sajaataa rahooN