Song : tum mujhe bhool bhii jaao to ye haq hai tum ko 
Movie : Didi (1959)
Singer : Sudha Malhotra, Mukesh
Music : Sudha Malhotra (N. Dutta fell ill during the making of this movie) 
Starring : Shobha Khote, Sunil Dutt
​
tum mujhe bhool bhii jaao to ye haq hai tum ko
merii baat aur hai maiN ne to mohabbat kii hai

mere dil kii mere jazbaat kii qeemat kyaa hai
ulajhe ulajhe se Khayaalaat kii qeemat kyaa hai
maiN ne kyooN pyaar kiyaa tum ne na kyooN pyaar kiyaa
in pareshaan sawaalaat kii qeemat kyaa hai
tum jo ye bhii na bataao to ye haq hai tum ko
merii baat aur hai maiN ne to mohabbat kii hai

zindagii sirf mohabbat nahiiN kuchh aur bhii hai
zulf-o-ruKhsaar kii jannat nahiiN kuchh aur bhii hai
bhookh aur pyaas kii maarii hu_ii is duniyaa meN
ishq hii ek haqeeqat nahiiN kuchh aur bhii hai
tum agar aaNkh churaao to ye haq hai tum ko
maiN ne tum se hii nahiiN sab se mohabbat kii hai

tum ko duniyaa ke Gam-o-dard se furasat naa sahii 
sab se ulafat sahii mujh se hii mohabbat na sahii
maiN tumhaarii hooN yahii mere liye kyaa kam hai
tum mere ho ke raho ye merii qismat na sahii
aur bhii dil ko jalaao to ye haq hai tum ko
merii baat aur hai maiN ne to mohabbat kii hai

tum mujhe bhool bhii jaao to ye haq hai tum ko

Song : kaun aayaa ki nigaahoN meN chamak jaag uThii
Movie : Waqt (1965)
Singer : Asha Bhonsle
Lyrics : Sahir Ludhianvi
Music : Ravi
Starring : Sadhana, Raaj Kumar

kaun aayaa ki nigaahoN meN chamak jaag uThii
dil ke soye huye taaroN meN khanak jaag uThii 

kis ke aane kii Khabar le ke hawaayeN aa_iiN 
jism ke phool chaTakane kii sadaayeN aa_iiN 
rooh khilane lagii saaNsoN meN mahak jaag uThii
dil ke soye huye taaroN meN khanak jaag uThii 

kis ne ye merii taraf dekh ke baaNheN kholiiN 
shoKh jazbaat ne seene meN nigaaheN kholiiN 
hoNTh tapane lage zulfoN meN lachak jaag uThii
dil ke soye huye taaroN meN khanak jaag uThii 

kis ke haathoN ne mere haathoN se kuchh maaNgaa hai 
kis ke KhwaaboN ne merii raatoN se kuchh maaNgaa hai 
saaz bajane lage aaNchal meN khanak jaag uThii
dil ke soye huye taaroN meN khanak jaag uThii 

Song : ​​​chehare pe Khushii chhaa jaatii hai
Movie : Waqt (1965)
Singer : Asha Bhonsle
Lyrics : Sahir Ludhianvi
Music : Ravi
Starring : Sadhana, Raaj Kumar, Sharmila Tagore, Sunil Dutt

​​chehare pe Khushii chhaa jaatii hai aaNkhoN meN suroor aa jaataa hai 
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

tum husn kii Khud ik duniyaa ho shaayad ye tumheN maaloom nahiiN 
mahafil meN tumhaare aane se har cheez pe noor aa jaataa hai
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

ham paas se tum ko kyaa dekheN tum jab bhii muqaabil aate ho 
betaab nigaahoN ke aage pardaa saa zaroor aa jaataa hai
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

jab tum se muhabbat kii ham ne tab jaa ke kahiiN ye raaz khulaa 
marane kaa saleekaa aate hii jeene kaa sha_oor aa jaataa hai
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

Song : ​ai merii zohra_jabiiN tujhe maaloom nahiiN
Movie : Waqt (1965)
Singer : Manna De
Lyrics : Sahir Ludhianvi
Music : Ravi
Starring : Balraj Sahni, Achla Sachdev

ai merii zoharaa_jabiiN
tujhe maaloom nahiiN
too abhii tak hai hasiiN aur maiN jawaaN
tujh pe qurbaan merii jaan merii jaaN
ai merii ...

ye shokhiyaaN ye baaNkapan
jo tujh meN hai kahiiN nahiiN
diloN ko jeetane kaa fan
jo tujh meN hai kahiiN nahiiN
maiN terii 
maiN terii aaNkhoN meN paa gayaa do jahaaN
ai merii ...

tuu miiThe bol jaan-e-man
jo muskuraake bol de
to dhaRakanoN meN aaj bhii
sharaabii rang ghol de
o sanam 
o sanam maiN teraa aashiq-e-jaawidaaN
ai merii ...

Song : ​man re tuu kaahe naa dheer dhare
Movie : Chitralekha (1964)
Singer : Mohd. Rafi
Lyrics : Sahir Ludhianvi
Music : Roshan
Starring : Pradeep Kumar

​man re tuu kaahe naa dheer dhare
wo nirmohii moh naa jaane, jin kaa moh kare
man re...

is jeewan kii chaRhatii Dhalatii
dhuup ko kisane baa.ndhaa
ra.ng pe kisane pahare Daale
rup ko kisane baaNdhaa
kaahe ye jatan kare
man re...

utanaa hii upkaar samajh ko_ii
jitanaa saath nibhaa de
janam maran kaa mel hai sapanaa
ye sapanaa bisaraa de
ko_ii na sang mare
man re...

man re tuu kaahe naa dheer dhare
wo nirmohii moh naa jaane, jin kaa moh kare
man re...

Song : chhaa gaye baadal neel gagan par
Movie : Chitralekha (1964)
Singer : Asha Bhonsle, Mohd. Rafi
Lyrics : Sahir Ludhianvi
Music : Roshan
Starring : Meena Kumari, Pradeep Kumar

chhaa gaye baadal neel gagan par
ghul gayaa kajaraa saaNjh Dhale

dekh ke meraa man bechain
rain se pahale ho ga_ii rain
aaj hriday ke swapan phale
ghul gayaa kajaraa saaNjh Dhale

roop kii sangat aur ekaant
aaj bhaTakataa man hai shaant
kah do samay se tham ke chale
ghul gayaa kajaraa saaNjh Dhale
                           
chhaa gaye baadal neel gagan par
ghul gayaa kajaraa saaNjh Dhale

andhiyaaroN kii chaadar taan
ek honge do vyaakul praaN
aaj na ko_ii deep jale
ghul gayaa kajaraa saaNjh Dhale

chhaa gaye baadal neel gagan par
ghul gayaa kajaraa saaNjh Dhale

Song : sansaar se bhaage phirate ho
Movie : Chitralekha (1964)
Singer : Lata Mangeshkar
Lyrics : Sahir Ludhianvi
Music : Roshan
Starring : Ashok Kumar, Meena Kumari, Pradeep Kumar, Mehmood

sansaar se bhaage phirate ho, bhagawaan ko tum kyaa paa_oge
is log ko bhii apanaa naa sake, us lok meN bhii pachhataa_oge
sansaar se bhaage phirate ho...

ye paap hai kyaa ye punya hai kyaa, reetoN par dharm kii mohareN haiN
har yug meN badalate dharmoN ko, kaise aadarsh banaa_oge
sansaar se bhaage phirate ho...

ye bhog bhii ek tapasyaa hai, tum tyaag ke maare kyaa jaano
apamaan rachetaa kaa hogaa, rachanaa ko agar Thukaraa_oge
sansaar se bhaage phirate ho...

ham kahate haiN ye jag apanaa hai, tum kahate ho jhooThaa sapanaa hai
ham janam bitaa kar jaayenge, tum janam gaNvaa kar jaa_oge

sansaar se bhaage phirate ho, bhagawaan ko tum kyaa paa_oge
sansaar se bhaage phirate ho...
​

Song : mujhe gale se lagaa lo bahut udaas hooN maiN
Movie : Aaj Aur Kal (1963)
Singer : Asha Bhonsle
Lyrics : Sahir Ludhianvi
Music : Ravi
Starring : Nanda, Sunil Dutt, Ashok Kumar, Tanuja

Today's post is a tribute to actress Nanda who passed away last week.

mujhe gale se lagaa lo bahut udaas hooN maiN 
Gam-e-jahaaN se chhuRaa lo bahut udaas hooN maiN 

ye intazaar kaa dukh ab sahaa nahiiN jaataa 
taRap rahii hai muhabbat rahaa nahiiN jaataa 
tum apane paas bulaa lo bahut udaas hooN maiN 
mujhe gale se lagaa lo 

bhaTak chukii hooN bahut zindagii kii raahoN meN 
mujhe ab aa ke chhupaalo tum apanii baahoN meN 
meraa sawaal naa Taalo bahut udaas hooN maiN 
mujhe gale se lagaa lo 

har ek saaNs meN milane kii pyaas palatii hai 
sulag rahaa hai badan aur rooh jalatii hai 
bachaa sako to bachaa lo bahut udaas hooN maiN 
game jahaaN se chhuRaa lo bahut udaas hooN maiN 
mujhe gale se lagaalo

Song : phir na keeje merii gustaaKh_nigaahii kaa gilaa
Movie : Phir Subah Hogi (1958)
Singer : Asha Bhonsle, Mukesh
Lyrics : Sahir Ludhianvi
Music : Khaiyyam
Starring : Raj Kapoor, Mala Sinha

phir naa keeje merii gustaaKh_nigaahii kaa gilaa 
dekhiye aap ne phir pyaar se dekhaa mujh ko 
maiN kahaaN tak na nigaahoN ko palaTane detii 
aap ke dil ne ka_ii baar pukaaraa mujh ko 

is qadar pyaar se dekho naa hamaarii jaanib
dil agar aur machal jaaye to mushkil hogii 
tum jahaaN merii taraf dekh ke ruk jaaoge 
wahii manzil merii taqadeer kii manzil hogii 
dekhiye aap ne phir pyaar se dekhaa mujh ko 
aap ke dil ne ka_ii baar pukaaraa mujh ko 

ek yooN hii sii nazar dil ko jo chhoo letii hai 
kitane aramaan jagaa detii hai tumheN kyaa maaloom 
rooh bechain hai qadamoN se lipaTane ke liye 
tum ko har saaNs bulaatii hai tumheN kyaa maaloom 
dekhiye aap ne phir pyaar se dekhaa mujh ko 
aap ke dil ne ka_ii baar pukaaraa mujh ko 

har nazar aap kii jazbaat ko ukasaatii hai 
maiN agar haath pakaR looN to Khafaa mat honaa 
merii duniyaa-e-mohabbat hai tumhaare dam se 
merii duniyaa-e-mohabbat se judaa mat honaa 
dekhiye aap ne phir pyaar se dekhaa mujh ko 
aap ke dil ne ka_ii baar pukaaraa mujh ko 

dekhaa hai zindagii ko kuchh itnaa qareeb se

Here is the original poem from which the song for the movie Ek Mahal Ho Sapnon Ka was derived.

dekhaa hai zindagii ko kuchh itanaa qareeb se
chehare tamaam lagane lage haiN ajeeb se

is reNgatii hayaat kaa kab tak uThaayeN baar
beemaar ab ulajhane lage haiN tabeeb se

har gaam  par hai majamaa-e-ushshaaq muntazir
maqtal kii raah milati hai koo-e-habeeb se

is tarah zindagii ne diyaa hai hamaaraa saath
jaise ko_iii nibaah rahaa ho raqeeb se

ai rooh-e-asar jaag kahaaN so rahii hai tuu
aawaaz de rahe haiN payambar saleeb se

zindagii = life
qareeb = close
chehare = faces (Plural of cheharaa)
ajeeb = strange
tamaam = all
reNgatii = crawling
hayaat = life
baar = weight
beemaar = ill/sick
tabeeb = healer
gaam = step
majmaa = crowd
ushshaaq = lovers (plural of aashiq)
muntazir = waiting
maqtal = place of execution
raah = path
koo-e-habeeb = lover’s street
raqeeb = rival
payambar = prophets
saleeb = cross