Sahir ki yaad meN - 24th November, 2012

Song : tum ek baar muhabbat kaa imtahaan to loMovie : Babar (1960)
Singer : Mohd. Rafi
Lyrics : Sahir Ludhianvi
Music : Roshan
Starring : Azra, Sohan Kapila, Shobha Khote

tum ek baar muhabbat kaa imtahaan to lo
mere junooN merii wahashat kaa imtahaan to lo
tum ek baar muhabbat kaa imtahaan to lo

salaam-e-shauq pe ranjish bharaa payaam na do
mere Kholoos ko hirs-o-hawas kaa naam na do
merii wafaa kii haqeeqat kaa imtahaan to lo
tum ek baar muhabbat kaa imtahaan to lo

na taKht-o-taaj naa laal-o-gauhar kii hasarat hai
tumhaare pyaar tumhaarii nazar kii hasarat hai
tum apane husn kii azamat kaa imtihaan to lo
tum ek baar muhabbat kaa imtahaan to lo

maiN apanii jaan bhii de dooN to aitabaar nahiiN
ke tum se baRh ke mujhe zindagii se pyaar nahiiN
yooN hii sahii merii chaahat kaa imtihaan to lo
tum ek baar muhabbat kaa imtahaan to lo