Sahir ki yaad meN - 27th October, 2012

Song : barbaad-e-mohabbat kii duaa saath liye jaa
Movie : Laila Majnu (1976)
Singer : Mohd. Rafi
Lyrics : Sahir Ludhianvi
Music : Madan Mohan
Starring : Ranjita, Rishi Kapoor

barbaad-e-mohabbat kii duaa saath liye jaa
TooTaa huaa iqraar-e-wafaa saath liye jaa

ik dil thaa jo pehle hii tujhe sauNp diyaa thaa
ye jaan bhii ai jaan-e-adaa saath liye jaa

tapatii huyii raahoN meN tujhe aaNch na pahuNche
deewaane ke ashkoN kii ghaTaa saath liye jaa

shaamil hai meraa Khoon-e-jigar terii hinaa meN
ye kam ho to ab Khoon-e-wafaa saath liye jaa

ham jurm-e-muhabbat kii sazaa paayenge tanhaa
jo tujh se huyii ho vo Khataa saath liye jaa