Blog Archives

Sahir ki yaad meN - 27th June, 2016

6/27/2016

Song : terii hai zameeN teraa aasamaaN
Movie : The Burning Train (1980)
Singer : Padmini Kolhapure, Sushma Shreshta, Chorus
Music : R. D. Burman
Starring : Simi Garewal, Asha Sachdev, Hema Malini, Dharmendra, Jeetendra, Neetu Singh, Danny Dengzongpa

terii hai zameeN teraa aasamaaN
tuu baRaa mehar_baaN tuu baKhsheesh kar
sabhii kaa hai tuu sabhii tere
Khudaa mere tuu baKhsheesh kar

terii marzii se ai maalik
ham is duniyaa meN aaye haiN
terii rahamat se ham sab ne
ye jsim aur jaan paaye haiN
tuu apanii nazar ham par rakhanaa
kis haal meN haiN ye Khabar rakhanaa

tuu chaahe to hameN rakkhe
tuu chaahe to hameN maare
tere aage jhukaa ke sar
khaRe haiN aaj ham saare
sab se baRii taaqat waale
tuu chaahe to har aafat Taale

0 Comments

Sahir ki yaad meN - 20th June, 2016

6/20/2016

0 Comments

Song : toraa man darpan kah laaye
Movie : Kaajal (1965)
Singer : Asha Bhonsle
Music : Ravi
Starring : Meena Kumari, Raaj Kumar, Durga Khote

praanii apane prabhoo se poochhe
kis vidhii paa_ooN tohe
prabhu kahe tuu man ko paale
paa jaayegaa mohe

toraa man darpan kah laaye
bhale bure saare karmoN ko
dekhe aur dikhaaye

man hii devataa man hii iishwar
man se baRaa na koye
man ujiyaaraajab jab jab phaile
jag ujiyaaraa hoye
is ujale darpan par praanii
dhool na jamane paaye
toraa man darpan kah laaye

sukh kii kaliyaaN dukh ke kaaNTeN
man sab kaa aadhaar
man se ko_ii baat chhupe na
man ke nain hazaar
jag se chaahe bhaag le ko_ii
man se bhaag na paaye
toraa man darpan kah laaye

tan kii daulat Dhalatii chhaayaa
man kaa dhan anmol
tan ke kaaraan man ko apane
mat maaTii meN rol
man kii qadar bhulaane waalaa
heeraa janam gaNwaaye
toraa man darpan kah laaye

0 Comments

Sahir ki yaad meN - 13th June, 2016

6/13/2016

0 Comments

Song : tum na jaane kis jahaaN meN kho gaye
Movie : Sazaa (1951)
Singer : Lata Mangeshkar
Music : S. D. Burman
Starring : Dev Anand, Nimmi, Shyama

Note: This is the only song by Sahir in this movie. The other 7 songs were written by Rajinder Krishan.

tum na jaane kis jahaaN meN kho gaye
ham bharii duniyaa meN tanhaa ho gaye

ek jaaN aur laakh Gam ghuT ke rah jaaye na dam
aao tum ko dekh leN Doobatii nazaroN se ham
looT kar meraa jahaaN chhup gaye ho tum kahaaN
tum kahaaN, tum kahaaN, tum kahaaN
tum na jaane kis jahaaN meN kho gaye

maut bhii aatii nahiiN raat bhii jaatii nahiiN
dil ko ye kyaa ho gayaa ko_ii shay bhaatii nahiiN
looT kar meraa jahaaN chhup gaye ho tum kahaaN
tum kahaaN, tum kahaaN tum kahaaN
tum na jaane kis jahaaN meN kho gaye

0 Comments

Sahir ki yaad meN - 6th June, 2016

6/6/2016

0 Comments

Song : barbaad-e-mohabbat kii duaa saath liye jaa
Movie : Laila Majnu (1976)
Singer : Mohd. Rafi
Music : Madan Mohan
Starring : Ranjita, Rishi Kapoor

barbaad-e-mohabbat kii duaa saath liye jaa
TooTaa huaa iqraar-e-wafaa saath liye jaa

ik dil thaa jo pehle hii tujhe sauNp diyaa thaa
ye jaan bhii ai jaan-e-adaa saath liye jaa

tapatii huyii raahoN meN tujhe aaNch na pahuNche
deewaane ke ashkoN kii ghaTaa saath liye jaa

shaamil hai meraa Khoon-e-jigar terii hinaa meN
ye kam ho to ab Khoon-e-wafaa saath liye jaa

ham jurm-e-muhabbat kii sazaa paayenge tanhaa
jo tujh se huyii ho vo Khataa saath liye jaa

0 Comments

Sahir ki yaad meN - 27th June, 2016

Sahir ki yaad meN - 20th June, 2016

Sahir ki yaad meN - 13th June, 2016

Sahir ki yaad meN - 6th June, 2016

Sahir

Archives

Categories