Sahir Ludhianvi
  • Home
    • Contact Us
  • About Sahir
  • Filmography
  • Songs
    • A to L
    • M to Z
  • Sahir Ki Yaad MeN

Sahir ki yaad meN - 12th October, 2017

10/12/2017

0 Comments

 
Song : chalo ik baar phir se, ajanabii ban jaayeN ham dono
Movie : Gumraah (1963)
Singer : Mahendra Kapoor
Music : Ravi
Starring : Ashok Kumar, Mala Sinha, Sunil Dutt

chalo ik baar phir se, ajanabii ban jaayeN ham dono

na maiN tum se ko_ii ummeed rakhooN dil_nawaazii kii
na tum merii taraf dekho galat andaaz nazaroN se
na mere dil kii dhaRakan laRakhaRaaye merii baatoN meN
na zaahir ho tumhaarii kash-ma-kash kaa raaz nazaroN se
chalo ik baar phir se, ajanabii ban jaayeN ham dono

tumheN bhii ko_ii uljhan rokatii hai pesh_qadamii se
mujhe bhii log kahate haiN ki ye jalwe paraaye haiN
mere ham_raah bhii rusvaaiyaaN haiN mere maazii kii
tumhaare saath bhii guzarii huii raatoN ke saaye haiN
chalo ik baar phir se, ajanabii ban jaayeN ham dono

taarruf rog ho jaaye to us ko bhoolanaa beh_tar
ta'alluq bojh ban jaaye to us ko toRanaa achchhaa
wo afasaanaa jise anjaam tak laanaa naa ho mumkin
use ek Khoob_soorat moR dekar chhoRanaa achchhaa
chalo ik baar phir se, ajanabii ban jaayeN ham dono
​
0 Comments

Sahir ki yaad meN - 11th April, 2016

4/11/2016

0 Comments

 
Song : bhool sakataa hai bhalaa kaun ye pyaarii aaNkheN
Movie : Dharmaputra (1961)
Singer : Mahendra Kapoor
Music : N. Dutta
Starring : Shashi Kapoor, Indrani Mukherjee

bhool sakataa hai bhalaa kaun ye pyaarii aaNkheN
rang meN Doobii hu_ii neend se bhaarii aaNkheN
bhool sakataa hai bhalaa kaun

merii har saaNs ne har soch ne chaahaa hai tumheN
jab se dekhaa hai tujhe tab se saraahaa hai tujhe
bas ga_ii haiN merii aaNkhoN meN tumhaarii aaNkheN
bhool sakataa hai bhalaa kaun

tum jo nazaroN ko uThaao to sitaare jhuk jaayeN
tum jo palkoN ko jhukaao to zamaane ruk jaayeN
kyoN na ban jaayeN in aaNkhoN kii pujaarii aaNkheN
bhool sakataa hai bhalaa kaun

jaagatii raatoN ko sapanoN kaa Khazaanaa mil jaaye
tum jo mil jaao to jeene kaa bahaanaa mil jaaye
apanii kismat pe kareN naaz hamaarii aaNkhen
bhool sakataa hai bhalaa kaun
​
0 Comments

Sahir ki yaad meN - 21st March, 2016

3/21/2016

1 Comment

 
Song : qadam qadam se dil se dil milaa rahe haiN ham
Movie : Char Dil Char Rahen (1959)
Singers : Mukesh, Manna De, Mahendra Kapoor, Meena Kapoor, Chorus
Music : Anil Biswas
Starring : Raj Kapoor, Meena Kumari, Shammi Kapoor, Kumkum, Ajit, Nimmi, Jairaj, David

saathii re bhaa_ii re
qadam qadam se dil se dil milaa rahe haiN ham
watan meN ek nayaa chaman khilaa rahe haiN ham
qadam qadam se 

ham aaj neeNv rakh rahe haiN us nizaam kii 
bike na zindagii jahaaN kisii Gulaam kii 
luTeN na mehanateN pise hue aawaam kii
na bhar sake tijoriyaaN ko_ii haraam kii
saathii re bhaa_ii re
har ek ooNch-neech ko miTaa rahe haiN ham
qadam qadam se dil se dil milaa rahe haiN ham

saathii re bhaa_ii re
videshii looT kii jagah ho desii looT kyoN 
safed jhooTh kii jagah siyaah jhooTh kyoN 
watan sabhii kaa hai to phir watan meN phooT kyoN
samaaj ke dushmanoN ko mil rahii hai chhooT kyoN
saathii re bhaa_ii re
khulii sabhaa meN ye sawaal uThaa rahe haiN ham
qadam qadam se dil se dil milaa rahe haiN ham 

saathii re bhaa_ii re
hamaare baazuoN meN aaNdhiyoN kaa zor hai 
hamaarii dhaRakanoN meN baadaloN kaa shor hai 
hamaare haath meN watan kii baag_Dor hai
na bach ke jaa sakeNge jin ke dil meN chor hai
saathii re bhaa_ii re
suno ki apanaa faisalaa sunaa rahe haiN ham
qadam qadam se dil se dil milaa rahe haiN ham

1 Comment

    Sahir

    "maiN pal do pal kaa shaayar hooN..."

    Archives

    October 2018
    January 2018
    October 2017
    January 2017
    October 2016
    September 2016
    August 2016
    July 2016
    June 2016
    May 2016
    April 2016
    March 2016
    February 2016

    Categories

    All
    40s
    50s
    60s
    70s
    80s
    Aaj Aur Kal
    Alif Laila
    Anil Biswas
    Asha Bhonsle
    Azadi Ki Raah Par
    Babar
    Bahu Begum
    Barsaat Ki Raat
    B. S. Nanji
    Chambal Ki Kasam
    Char Dil Char Rahen
    Chitralekha
    Daag
    Dastaan
    Dharmaputra
    Dhool Ka Phool
    Didi
    Ek Mahal Ho Sapnon Ka
    G. D. Kapoor
    Gumraah
    Hum Dono
    Jaal
    Jaidev
    Jairaj
    Kaajal
    Kabhi Kabhi
    Khaiyyam
    Kishore Kumar
    Kumkum
    Laila Majnu
    Lata Mangeshkar
    Laxmikant Pyarelal
    Leena Chandravarkar
    Madan Mohan
    Mahendra Kapoor
    Mala Sinha
    Manna De
    Meena Kapoor
    Meena Kumari
    Moushumi
    Mukesh
    Nalini Jaywant
    N. Dutta
    Nimmi
    Padmini Kolhapure
    Phir Subah Hogi
    Pyaasa
    Raaj Kumar
    Rafi
    Railway Platform
    Rajesh Khanna
    Raj Kapoor
    Ranjita
    Ravi
    R. D. Burman
    Rehman
    Rishi Kapoor
    Roshan
    Sadhana
    Sahir Ki Yaad MeN
    Sazaa
    S. D. Burman
    Shagun
    Shakeela
    Shammi Kapoor
    Sharmila Tagore
    Shashikala
    Shashi Kapoor
    Shatrughan Sinha
    Shobha Khote
    Shyam Sundar
    Sudha Malhotra
    Suman Kalyanpur
    Sunil Dutt
    Sushma Shreshta
    The Burning Train
    Trishul
    Usha Mangeshkar
    Waqt
    Yesudas

    RSS Feed

© Nita Awatramani 1997 - 2020