Blog Archives

Sahir ki yaad meN - 29th August, 2016

8/29/2016

Song : mujhe gale se lagaa lo bahut udaas hooN maiN
Movie : Aaj Aur Kal (1963)
Singer : Asha Bhonsle
Music : Ravi
Starring : Nanda, Sunil Dutt, Ashok Kumar, Tanuja

mujhe gale se lagaa lo bahut udaas hooN maiN
Gam-e-jahaaN se chhuRaa lo bahut udaas hooN maiN

ye intazaar kaa dukh ab sahaa nahiiN jaataa
taRap rahii hai muhabbat rahaa nahiiN jaataa
tum apane paas bulaa lo bahut udaas hooN maiN
mujhe gale se lagaa lo

bhaTak chukii hooN bahut zindagii kii raahoN meN
mujhe ab aa ke chhupaalo tum apanii baahoN meN
meraa sawaal naa Taalo bahut udaas hooN maiN
mujhe gale se lagaa lo

har ek saaNs meN milane kii pyaas palatii hai
sulag rahaa hai badan aur rooh jalatii hai
bachaa sako to bachaa lo bahut udaas hooN maiN
game jahaaN se chhuRaa lo bahut udaas hooN maiN
mujhe gale se lagaalo

0 Comments

Sahir ki yaad meN - 22nd August, 2016

8/22/2016

0 Comments

Song : phir na keeje merii gustaaKh_nigaahii kaa gilaa
Movie : Phir Subah Hogi (1958)
Singer : Asha Bhonsle, Mukesh
Music : Khaiyyam
Starring : Raj Kapoor, Mala Sinha

phir naa keeje merii gustaaKh_nigaahii kaa gilaa
dekhiye aap ne phir pyaar se dekhaa mujh ko
maiN kahaaN tak na nigaahoN ko palaTane detii
aap ke dil ne ka_ii baar pukaaraa mujh ko

is qadar pyaar se dekho naa hamaarii jaanib
dil agar aur machal jaaye to mushkil hogii
tum jahaaN merii taraf dekh ke ruk jaaoge
wahii manzil merii taqadeer kii manzil hogii
dekhiye aap ne phir pyaar se dekhaa mujh ko
aap ke dil ne ka_ii baar pukaaraa mujh ko

ek yooN hii sii nazar dil ko jo chhoo letii hai
kitane aramaan jagaa detii hai tumheN kyaa maaloom
rooh bechain hai qadamoN se lipaTane ke liye
tum ko har saaNs bulaatii hai tumheN kyaa maaloom
dekhiye aap ne phir pyaar se dekhaa mujh ko
aap ke dil ne ka_ii baar pukaaraa mujh ko

har nazar aap kii jazbaat ko ukasaatii hai
maiN agar haath pakaR looN to Khafaa mat honaa
merii duniyaa-e-mohabbat hai tumhaare dam se
merii duniyaa-e-mohabbat se judaa mat honaa
dekhiye aap ne phir pyaar se dekhaa mujh ko
aap ke dil ne ka_ii baar pukaaraa mujh ko

0 Comments

Sahir ki yaad meN - 8th August, 2016

8/8/2016

0 Comments

Song : bujhaa diye haiN Khud apane haathoN
Movie : Shagun (1964)
Singers : Suman Kalyanpur
Music : Khaiyyam
Starring : Waheeda Rehman

bujhaa diye haiN Khud apane haathoN mohabbatoN ke diye jalaa ke
merii wafaa ne ujaaR dii haiN, ummeed kii bastiyaaN basaa ke

tujhe bhulaa denge apane dil se ye faisalaa to kiyaa hai lekin
na dil ko maaluum hai na ham ko jiyenge kaise tujhe bhulaa ke

kabhii milenge jo raasate meN to mooNh phiraa kar palaT paRenge
kahiiN sunenge jo naam teraa to chup rahenge nazar jhukaa ke

na sochane par bhii sochatii hooN ke zindagaanii meN kyaa rahegaa
terii tamannaa ko dafn kar ke tere KhayaaloN se door jaake

0 Comments

Sahir ki yaad meN - 1st August, 2016

8/1/2016

0 Comments

Song : dekhaa hai zindagii ko kuchh itanaa qareeb se
Movie : Ek Mahal Ho Sapnon Ka (1975)
Singers : Kishore Kumar
Music : Ravi
Starring : Sharmila Tagore, Dharmendra, Ashok Kumar

dekhaa hai zindagii ko kuchh itnaa qareeb se
chehare tamaam lagane lage haiN ajeeb se

kahane ko dil kii baat jinheN DhooNDhate the ham
mahafil meN aa gaye haiN wo apane naseeb se

neelaam ho rahaa thaa kisii naaz_neeN kaa pyaar
qeemat nahiiN chukaa_ii ga_ii ik Gareeb se

terii wafaa kii laash pe laa maiN hii Daal dooN
resham kaa ye kafan jo milaa hai raqeeb se

tamaam = all
neelaam = auction
naaz_neeN = beautiful young lady
qeemat = price
Gareeb = poor/actually means foreigner or refugee but colloquial usage translates as poor
laash = dead body
resham = silk
kafan = burial shroud
raqeeb = rival

0 Comments

Sahir ki yaad meN - 29th August, 2016

Sahir ki yaad meN - 22nd August, 2016

Sahir ki yaad meN - 8th August, 2016

Sahir ki yaad meN - 1st August, 2016

Sahir

Archives

Categories