Sahir Ludhianvi
  • Home
    • Contact Us
  • About Sahir
  • Filmography
  • Songs
    • A to L
    • M to Z
  • Sahir Ki Yaad MeN

Sahir ki Yaad MeN - October 11th, 2018

10/11/2018

0 Comments

 
Song : intazaar aur abhii
Movie : Char Dil Char Rahen (1959)
Singer(s) : Lata Mangeshkar
Music Director : Anil Biswas

jab maiN kahatii hooN ke ek roz huzoor aayeNge
dil ye kahataa hai ki ek din to zaroor aayeNge
intazaar aur abhii aur abhii aur abhii

saaNjh kii laalii sulag sulag kar ban ga_ii kaalii dhool
aaye naa baalam bedardii maiN chunatii rah ga_ii phool
intazaar aur abhii aur abhii aur abhii

rain bha_ii bojhal aNkhiyaaN meN chubhane lage taare
des meN maiN paradesan ho ga_ii jab se piyaa sidhaare
intazaar aur abhii aur abhii aur abhii

bhor bha_ii par ko_ii naa aayaa soonii sej basaane
taare Doobe deepak bujh gaye raakh hue parawaane
intazaar aur abhii aur abhii aur abhii

0 Comments

Sahir Ki Yaad MeN - October 8th, 2018

10/8/2018

0 Comments

 
Song : allaah tero naam
Movie : Hum Dono (1961)
Singer : Lata Mangeshkar
Music : Jaidev
Starring : Dev Anand, Sadhana, Nanda

allaah tero naam eeshwar tero naam
sab ko sanmati de bhagawaan
allaah tero naam

is dharatii kaa roop naa ujaRe
pyaar kii ThanDii dhoop naa ujaRe
sab ko mile daataa sukh kaa waradaan
sab ko sanmati de bhagawaan
allaah tero naam eeshwar tero naam

maaNgoN kaa sindoor naa chhooTe
maaN bahano kii aas naa TooTe
deh binaa daataa bhaTake naa praaN
sab ko sanmati de bhagawaan
allaah tero naam eeshwar tero naam

o saare jag ke rakh_waale
nirbal ko bal dene waale
balwaanoN ko dede gyaan
sab ko sanmati de bhagawaan
allaah tero naam eeshwar tero naam

The extended edition from the 78 rpm record with the first paragraph which was cut from the movie version.​
0 Comments

Sahir ki yaad meN - October 4th, 2018

10/4/2018

0 Comments

 
Song : bahaar aa_ii khilii kaliyaaN haNse taare chale aao
Movie : Alif Laila (1953)
Singer(s) : Lata Mangeshkar
Music Director : Shyam Sunder

bahaar aa_ii khilii kaliyaaN haNse taare chale aao
hameN jeene nahiiN dete ye nazaare chale aao

zubaaN par aah ban ban ke tumhaaraa naam aataa hai
muhabbat meN tumheeN jeete hameeN haare chale aao

kahiiN aisaa na ho dil kii lagii dil hii ko le Doobe 
bujhaaye se nahiiN bujhate ye angaare chale aao  

0 Comments

Sahir ki yaad meN - January 15th, 2018

1/15/2018

0 Comments

 
Song : pighalaa hai sonaa door gagan par
Movie : Jaal (1952)
Singer : Lata Mangeshkar
Music : S. D. Burman
Starring : Geeta Bali, Dev Anand

pighalaa hai sonaa door gagan par
phail raheN haiN shaam ke saaye

bhagawan tere sundar rachanaa kitanii pyaarii hai
terii mahimaa ke guN gaataa har nar-naarii hai

Khaamoshii kuchh bol rahii haiN
bhed anokhe khol rahii haiN
paNkh pakheruu soch me gum haiN
peR khaRe hai sheesh jhukaaye

dhuNdale dhuNdale mast nazaareN
uRate baadal muRate dhaare
chhup ke nazar se jaane ye kis ne
rang-rangeele khel rachaaye

ko_ii bhii us kaa raaz na jaane
ek haqeeqat laaKh fasaane
ek hii jalawaa shaam sawere
bhes badal kar saamane aaye
​
​
0 Comments

Sahir ki yaad meN - January 1st, 2018

1/1/2018

0 Comments

 
Song : dil meN kisii ke pyaar ka
Movie : Ek Mahal Ho Sapnon Ka (1975)
Singers : Lata Mangeshkar
Music : Ravi
Starring : Sharmila Tagore, Dharmendra, Ashok Kumar, Leena Chandravarkar

dil meN kisii ke pyaar kaa jalataa huaa diyaa
duniyaa kii aaNdhiyoN se bhalaa ye bujhegaa kyaa

saaNsoN kii aaNch paa ke bhaRakataa rahegaa ye
seene meN dil ke saath dhaRakataa rahegaa ye
wo naqsh kyaa huaa jo miTaaye se miT gayaa
wo dard kyaa huaa jo dabaaye se dab gayaa

ye zindagii bhii kyaa hai amaanat unhiiN kii hai
ye shaayarii bhii kyaa hai inaayat unhiiN kii hai
ab wo karam kareN ki sitam un kaa faisalaa
ham ne to dil meN pyaar kaa sholaa jagaa liyaa

​
0 Comments

Sahir ki yaad meN - 5th September, 2016

9/5/2016

0 Comments

 
Song : sansaar se bhaage phirate ho
Movie : Chitralekha (1964)
Singer : Lata Mangeshkar
Music : Roshan
Starring : Ashok Kumar, Meena Kumari, Pradeep Kumar, Mehmood

sansaar se bhaage phirate ho, bhagawaan ko tum kyaa paa_oge
is log ko bhii apanaa naa sake, us lok meN bhii pachhataa_oge
sansaar se bhaage phirate ho...

ye paap hai kyaa ye punya hai kyaa, reetoN par dharm kii mohareN haiN
har yug meN badalate dharmoN ko, kaise aadarsh banaa_oge
sansaar se bhaage phirate ho...

ye bhog bhii ek tapasyaa hai, tum tyaag ke maare kyaa jaano
apamaan rachetaa kaa hogaa, rachanaa ko agar Thukaraa_oge
sansaar se bhaage phirate ho...

ham kahate haiN ye jag apanaa hai, tum kahate ho jhooThaa sapanaa hai
ham janam bitaa kar jaayenge, tum janam gaNvaa kar jaa_oge

sansaar se bhaage phirate ho, bhagawaan ko tum kyaa paa_oge
sansaar se bhaage phirate ho...

0 Comments

Sahir ki yaad meN - 25th July, 2016

7/25/2016

2 Comments

 
Song : surKh joRe kii ye jag_magaahaT
Movie : Kabhi Kabhi (1976)
Singers : Lata Mangeshkar
Music : Khaiyyam
Starring : Amitabh Bachchan, Rakhee, Waheeda Rehman, Shashi Kapoor, Rishi Kapoor, Neetu Singh, Simi Garewal

surkh joRe kii ye jag_magaahaT
shoKh bindiyaa kii ye jhilmilaahat
chooRiyoN kaa ye rangeeN taraanaa
dhaRakanoN kaa ye sapanaa suhanaa

jaagaa jaagaa saa kajare kaa jadoo
bheenii bheenii sii gajare kii Khushboo
narm hoNToN kaa ye kaNp-kaNpaanana
garm chehare kaa ye tam-tamaanaa

jism kaa mahakaa mahakaa paseenaa
husn kaa dahakaa dahakaa nageenaa
jhaaNjharoN kaa ye tham tham ke bajanaa
ye saNwaranaa ye sajanaa nikharnaa
kis kii Khaatir hai kis ke liye hai
​
2 Comments

Sahir ki yaad meN - 11th July, 2016

7/11/2016

0 Comments

 
Song : simaTii huyii ye ghaDiyaaN phir se na bikhar jaayeN
Movie : Chambal Ki Kasam (1979)
Singer : Mohd. Rafi, Lata Mangeshkar
Music Director : Khaiyyam
Starring : Raaj Kumar, Moushumi Chatterjee, Shatrughan Sinha
​
simaTii huyii ye ghaDiyaaN phir se na bikhar jaayeN
is raat meN jee leN ham is raat meN mar jaayeN

ab subah na paaye aao ye duaa maaNge
is raat ke har pal se raateN hii ubhar jaayeN

duniyaa kii nigaaheN ab ham tak na pahuNch paaye
taaroN meN baseN chal kar dhartii pe utar jaayeN

haalaat ke teeroN se chhalnii hai badan apane
paas aao ke seenoN ke kuchh zaKhm to bhar jaayeN

aage bhii andheraa hai peechhe bhii andheraa hai
apanii haiN wahii saaNsen josaath guzar jaayeN

bichhaDii huyii roohoN kaa ye mel suhaanaa hai
is mel kaa kuchh ehsaaN jismoN pe bhii kar jaayeN

tarase huye jazboN ko ab aur na tarasaao
tum shaane pe sar rakh do ham baaNhoN meN bhar jaayeN

0 Comments

Sahir ki yaad meN - 13th June, 2016

6/13/2016

1 Comment

 
Song : tum na jaane kis jahaaN meN kho gaye
Movie : Sazaa (1951)
Singer : Lata Mangeshkar
Music : S. D. Burman
Starring : Dev Anand, Nimmi, Shyama

Note: This is the only song by Sahir in this movie. The other 7 songs were written by Rajinder Krishan.

tum na jaane kis jahaaN meN kho gaye
ham bharii duniyaa meN tanhaa ho gaye

ek jaaN aur laakh Gam ghuT ke rah jaaye na dam
aao tum ko dekh leN Doobatii nazaroN se ham
looT kar meraa jahaaN chhup gaye ho tum kahaaN 
tum kahaaN, tum kahaaN, tum kahaaN
tum na jaane kis jahaaN meN kho gaye

maut bhii aatii nahiiN raat bhii jaatii nahiiN
dil ko ye kyaa ho gayaa ko_ii shay bhaatii nahiiN
looT kar meraa jahaaN chhup gaye ho tum kahaaN 
tum kahaaN, tum kahaaN tum kahaaN
tum na jaane kis jahaaN meN kho gaye

1 Comment

Sahir ki yaad meN - 30th May, 2016

5/30/2016

2 Comments

 
Song : chaand maddham hai aasmaaN chup hai  
Movie : Railway Platform (1955)
Singer : Lata Mangeshkar
Music : Madan Mohan
Starring : Sunil Dutt, Shakeela, Nalini Jaywant

chaaNd maddham hai aasmaan chup hai
neeNd kii god meN jahaaN chup hai
chaaNd maddham hai

door waadii meN doodhiyaa baadal
jhuk ke parbat ko pyaar karate haiN 
dil meN naakaam hasarateN lekar
ham teraa iNtazaar karate haiN

in bahaaroN ke saaye meN aajaa
phir mohabbat jawaaN rahe na rahe
zindagii tere naamuraadoN par
kal talak mahar_baan rahe na rahe

roz kii tarah aaj bhii taare
subah kii gard meN na kho jaaye
aa tere Gam meN jaagatii aaNkheN
kam-se-kam ek raat so jaaye
chaaNd maddham hai aasmaan chup hai
​
2 Comments
<<Previous

    Sahir

    "maiN pal do pal kaa shaayar hooN..."

    Archives

    October 2018
    January 2018
    October 2017
    January 2017
    October 2016
    September 2016
    August 2016
    July 2016
    June 2016
    May 2016
    April 2016
    March 2016
    February 2016

    Categories

    All
    40s
    50s
    60s
    70s
    80s
    Aaj Aur Kal
    Alif Laila
    Anil Biswas
    Asha Bhonsle
    Azadi Ki Raah Par
    Babar
    Bahu Begum
    Barsaat Ki Raat
    B. S. Nanji
    Chambal Ki Kasam
    Char Dil Char Rahen
    Chitralekha
    Daag
    Dastaan
    Dharmaputra
    Dhool Ka Phool
    Didi
    Ek Mahal Ho Sapnon Ka
    G. D. Kapoor
    Gumraah
    Hum Dono
    Jaal
    Jaidev
    Jairaj
    Kaajal
    Kabhi Kabhi
    Khaiyyam
    Kishore Kumar
    Kumkum
    Laila Majnu
    Lata Mangeshkar
    Laxmikant Pyarelal
    Leena Chandravarkar
    Madan Mohan
    Mahendra Kapoor
    Mala Sinha
    Manna De
    Meena Kapoor
    Meena Kumari
    Moushumi
    Mukesh
    Nalini Jaywant
    N. Dutta
    Nimmi
    Padmini Kolhapure
    Phir Subah Hogi
    Pyaasa
    Raaj Kumar
    Rafi
    Railway Platform
    Rajesh Khanna
    Raj Kapoor
    Ranjita
    Ravi
    R. D. Burman
    Rehman
    Rishi Kapoor
    Roshan
    Sadhana
    Sahir Ki Yaad MeN
    Sazaa
    S. D. Burman
    Shagun
    Shakeela
    Shammi Kapoor
    Sharmila Tagore
    Shashikala
    Shashi Kapoor
    Shatrughan Sinha
    Shobha Khote
    Shyam Sundar
    Sudha Malhotra
    Suman Kalyanpur
    Sunil Dutt
    Sushma Shreshta
    The Burning Train
    Trishul
    Usha Mangeshkar
    Waqt
    Yesudas

    RSS Feed

© Nita Awatramani 1997 - 2020