Sahir Ludhianvi
  • Home
    • Contact Us
  • About Sahir
  • Filmography
  • Songs
    • A to L
    • M to Z
  • Sahir Ki Yaad MeN

Sahir Ki Yaad MeN - October 8th, 2018

10/8/2018

0 Comments

 
Song : allaah tero naam
Movie : Hum Dono (1961)

Singer : Lata Mangeshkar
Music : Jaidev
Starring : Dev Anand, Sadhana, Nanda

allaah tero naam eeshwar tero naam
sab ko sanmati de bhagawaan
allaah tero naam

is dharatii kaa roop naa ujaRe
pyaar kii ThanDii dhoop naa ujaRe
sab ko mile daataa sukh kaa waradaan
sab ko sanmati de bhagawaan
allaah tero naam eeshwar tero naam

maaNgoN kaa sindoor naa chhooTe
maaN bahano kii aas naa TooTe
deh binaa daataa bhaTake naa praaN
sab ko sanmati de bhagawaan
allaah tero naam eeshwar tero naam

o saare jag ke rakh_waale
nirbal ko bal dene waale
balwaanoN ko dede gyaan
sab ko sanmati de bhagawaan
allaah tero naam eeshwar tero naam

The extended edition from the 78 rpm record with the first paragraph which was cut from the movie version.​
0 Comments

Sahir ki yaad meN - October 1st, 2018

10/1/2018

0 Comments

 
Song : dukh sah kar jo sukh detii hai
Movie : Babar (1960)

Singer : Sudha Malhotra
Music : Roshan
Starring : Azra, Sohan Kapila, Shobha Khote
​
0 Comments

Sahir ki yaad meN - January 29th, 2018

1/29/2018

0 Comments

 
Song : nikale the kahaaN jaane ke liye
Movie : Bahu Begum(1967)
Singer : Asha Bhonsle
Music : Roshan
Starring : Meena Kumari, Ashok Kumar, Pradeep Kumar, Helen

nikale the kahaaN jaane ke liye
pahuNche hai kahaaN maaloom nahiiN 
ab apane bhaTakate qadamoN ko
manzil kaa nishaaN maaloom nahiiN

ham ne bhii kabhii is gulshan meN
ek Khwaab-e-bahaaraa dekhaa thaa 
kab phool jhare, kab gard uRii
kab aa_ii KhizaaN maaloom nahiiN 

dil sholaa-e-Gam se Khaak huaa
yaa aag lagii armaanoN meN
kyaa cheez jalii kyooN seene se
uThaa hai dhuaaN maaloom nahiiN

barbaad wafaa kaa afasaanaa
ham kise kaheN aur kaise kaheN 
Khaamosh haiN lab aur duniyaa ko
ashkoN kii zubaaN maaloom nahiiN


0 Comments

Sahir ki yaad meN - January 22nd, 2018

1/22/2018

0 Comments

 
Song : maut kitanii bhii sang_dil ho magar
Movie : Aaj Aur Kal (1963)
Singer : Asha Bhonsle
Music : Ravi
Starring : Nanda, Sunil Dutt, Ashok Kumar, Tanuja

maut kitanii bhii sang_dil ho magar
zindagii se to mehar_baaN hogii

nit nay ranj dil ko detii hai
zindagii har Khushii kii dushman hai
maut sab se nibaah karatii hai
zindagii zindagii kii dushman hai
kuchh na kuchh to sukoon paayegaa
maut ke bas meN jis kii jaaN hogii

rang aur nasl naam aur daulat
zindagii kitane farq maanatii hai
maut had_bandiyoN se ooNchii hai
saarii duniyaa ko ek jaanatii hai
jin usooloN pe mar rahe haiN ham
un usooloN kii qadr_daaN hogii

maut se aur kuchh mile na mile
zindagii se to jaan chhooTegii
muskuraahaT naseeb ho ke na ho
aaNsu_oN kii laRii to TooTegii
ham na hoNge to Gam kise hogaa
Khatm har Gam kii daastaaN hogii


0 Comments

Sahir ki yaad meN - 12th October, 2017

10/12/2017

0 Comments

 
Song : chalo ik baar phir se, ajanabii ban jaayeN ham dono
Movie : Gumraah (1963)
Singer : Mahendra Kapoor
Music : Ravi
Starring : Ashok Kumar, Mala Sinha, Sunil Dutt

chalo ik baar phir se, ajanabii ban jaayeN ham dono

na maiN tum se ko_ii ummeed rakhooN dil_nawaazii kii
na tum merii taraf dekho galat andaaz nazaroN se
na mere dil kii dhaRakan laRakhaRaaye merii baatoN meN
na zaahir ho tumhaarii kash-ma-kash kaa raaz nazaroN se
chalo ik baar phir se, ajanabii ban jaayeN ham dono

tumheN bhii ko_ii uljhan rokatii hai pesh_qadamii se
mujhe bhii log kahate haiN ki ye jalwe paraaye haiN
mere ham_raah bhii rusvaaiyaaN haiN mere maazii kii
tumhaare saath bhii guzarii huii raatoN ke saaye haiN
chalo ik baar phir se, ajanabii ban jaayeN ham dono

taarruf rog ho jaaye to us ko bhoolanaa beh_tar
ta'alluq bojh ban jaaye to us ko toRanaa achchhaa
wo afasaanaa jise anjaam tak laanaa naa ho mumkin
use ek Khoob_soorat moR dekar chhoRanaa achchhaa
chalo ik baar phir se, ajanabii ban jaayeN ham dono
​
0 Comments

Sahir ki yaad meN - 9th October, 2017

10/9/2017

0 Comments

 
Song : kaahe tarasaaye jiyaraa
Movie : Chitralekha (1964)
Singer :  Asha Bhonsle, Usha Mangeshkar
Music : Roshan
Starring : Ashok Kumar, Meena Kumari, Pradeep Kumar

kaahe tarasaaye jiyaraa
yauwan Ritu sajan jaake naa aaye
kaahe jiyaraa tarasaaye
kaahe tarasaaye 

nit nit jaage naa
soyaa shringaar,
jhanan jhan jhanan, nit naa bulaaye
kaahe jiyaraa tarasaaye
kaahe tarasaaye 

nit nit aaye na
tan pe nikhaar
pawan man kamal nit naa khilaaye
kaahe jiyaraa tarasaaye
kaahe tarasaaye 

nit nit barase naa
ras kii phu_aar 
sapan ban gagan nit naa rulaaye
kaahe jiyaraa tarasaaye
kaahe tarasaaye 

0 Comments

Sahir ki yaad meN - 3rd January, 2017

1/3/2017

1 Comment

 
Song : aage bhii jaane na too, peechhe bhii jaane na too
Movie : Waqt (1965)
Singer : Asha Bhonsle
Music Director : Ravi
Starring : Sadhana, Sunil Dutt, Raaj Kumar, Rehman, Shashikala, Shashi Kapoor, Sharmila Tagore

Picturized on 
Erica Lal

aage bhii jaane na too, peechhe bhii jaane na too
jo bhii hai bas yahii ik pal hai

anjaane saayoN kaa raahoN meN Deraa hai
andekhii baahoN ne ham sab ko gheraa hai
ye pal ujaalaa hai baaqii andheraa hai
ye pal gaNwaanaa naa ye pal hii teraa hai
jeenewaale soch le yahii waqt hai kar le poorii aarzoo

is pal ke jalwoN ne mehfil saNwaarii hai 
is pal kii garmii ne dhaDkan ubhaarii hai
is pal ke hone se duniyaa hamaarii hai
ye pal jo dekho to sadiyoN pe bhaarii hai
jeenewaale soch le yahii waqt hai kar le poorii aarzoo

is pal ke saaye meN apanaa Thikaanaa hai 
is pal kii aage kii har shay fasaanaa hai 
kal kis ne dekhaa hai kal kis ne jaanaa hai 
is pal se paayegaa jo tujh ko paanaa hai 
jeenewaale soch le yahii waqt hai kar le poorii aarzoo

1 Comment

Sahir ki yaad meN - 10th October, 2016

10/10/2016

0 Comments

 
Song : kaun aayaa ki nigaahoN meN chamak jaag uThii
Movie : Waqt (1965)
Singer : Asha Bhonsle
Music : Ravi
Starring : Sadhana, Raaj Kumar

kaun aayaa ki nigaahoN meN chamak jaag uThii
dil ke soye huye taaroN meN khanak jaag uThii 

kis ke aane kii Khabar le ke hawaayeN aa_iiN 
jism ke phool chaTakane kii sadaayeN aa_iiN 
rooh khilane lagii saaNsoN meN mahak jaag uThii
dil ke soye huye taaroN meN khanak jaag uThii 

kis ne ye merii taraf dekh ke baaNheN kholiiN 
shoKh jazbaat ne seene meN nigaaheN kholiiN 
hoNTh tapane lage zulfoN meN lachak jaag uThii
dil ke soye huye taaroN meN khanak jaag uThii 

kis ke haathoN ne mere haathoN se kuchh maaNgaa hai 
kis ke KhwaaboN ne merii raatoN se kuchh maaNgaa hai 
saaz bajane lage aaNchal meN khanak jaag uThii
dil ke soye huye taaroN meN khanak jaag uThii 

​
0 Comments

Sahir ki yaad meN - 3rd October, 2016

10/3/2016

0 Comments

 
Song : ​​​chehare pe Khushii chhaa jaatii hai
Movie : Waqt (1965)
Singer : Asha Bhonsle
Music : Ravi
Starring : Sadhana, Raaj Kumar, Sharmila Tagore, Sunil Dutt

​​
chehare pe Khushii chhaa jaatii hai aaNkhoN meN suroor aa jaataa hai 
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

tum husn kii Khud ik duniyaa ho shaayad ye tumheN maaloom nahiiN 
mahafil meN tumhaare aane se har cheez pe noor aa jaataa hai
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

ham paas se tum ko kyaa dekheN tum jab bhii muqaabil aate ho 
betaab nigaahoN ke aage pardaa saa zaroor aa jaataa hai
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

jab tum se muhabbat kii ham ne tab jaa ke kahiiN ye raaz khulaa 
marane kaa saleekaa aate hii jeene kaa sha_oor aa jaataa hai
jab tum mujhe apanaa kahate ho apane pe Guroor aa jaataa hai
chehare pe Khushii chhaa jaatii hai 

0 Comments

Sahir ki yaad meN - 26th September, 2016

9/26/2016

0 Comments

 
Song : ​ai merii zohra_jabiiN tujhe maaloom nahiiN
Movie : Waqt (1965)
Singer : Manna De
Music : Ravi
Starring : Balraj Sahni, Achla Sachdev

ai merii zoharaa_jabiiN
tujhe maaloom nahiiN
too abhii tak hai hasiiN aur maiN jawaaN
tujh pe qurbaan merii jaan merii jaaN
ai merii ...

ye shokhiyaaN ye baaNkapan
jo tujh meN hai kahiiN nahiiN
diloN ko jeetane kaa fan
jo tujh meN hai kahiiN nahiiN
maiN terii 
maiN terii aaNkhoN meN paa gayaa do jahaaN
ai merii ...

tuu miiThe bol jaan-e-man
jo muskuraake bol de
to dhaRakanoN meN aaj bhii
sharaabii rang ghol de
o sanam 
o sanam maiN teraa aashiq-e-jaawidaaN
ai merii ...

0 Comments
<<Previous

    Sahir

    "maiN pal do pal kaa shaayar hooN..."

    Archives

    October 2018
    January 2018
    October 2017
    January 2017
    October 2016
    September 2016
    August 2016
    July 2016
    June 2016
    May 2016
    April 2016
    March 2016
    February 2016

    Categories

    All
    40s
    50s
    60s
    70s
    80s
    Aaj Aur Kal
    Alif Laila
    Anil Biswas
    Asha Bhonsle
    Azadi Ki Raah Par
    Babar
    Bahu Begum
    Barsaat Ki Raat
    B. S. Nanji
    Chambal Ki Kasam
    Char Dil Char Rahen
    Chitralekha
    Daag
    Dastaan
    Dharmaputra
    Dhool Ka Phool
    Didi
    Ek Mahal Ho Sapnon Ka
    G. D. Kapoor
    Gumraah
    Hum Dono
    Jaal
    Jaidev
    Jairaj
    Kaajal
    Kabhi Kabhi
    Khaiyyam
    Kishore Kumar
    Kumkum
    Laila Majnu
    Lata Mangeshkar
    Laxmikant Pyarelal
    Leena Chandravarkar
    Madan Mohan
    Mahendra Kapoor
    Mala Sinha
    Manna De
    Meena Kapoor
    Meena Kumari
    Moushumi
    Mukesh
    Nalini Jaywant
    N. Dutta
    Nimmi
    Padmini Kolhapure
    Phir Subah Hogi
    Pyaasa
    Raaj Kumar
    Rafi
    Railway Platform
    Rajesh Khanna
    Raj Kapoor
    Ranjita
    Ravi
    R. D. Burman
    Rehman
    Rishi Kapoor
    Roshan
    Sadhana
    Sahir Ki Yaad MeN
    Sazaa
    S. D. Burman
    Shagun
    Shakeela
    Shammi Kapoor
    Sharmila Tagore
    Shashikala
    Shashi Kapoor
    Shatrughan Sinha
    Shobha Khote
    Shyam Sundar
    Sudha Malhotra
    Suman Kalyanpur
    Sunil Dutt
    Sushma Shreshta
    The Burning Train
    Trishul
    Usha Mangeshkar
    Waqt
    Yesudas

    RSS Feed

© Nita Awatramani 1997 - 2020