Category: Shobha Khote

Sahir ki yaad meN - 17th October, 2016

10/17/2016

Song : tum mujhe bhool bhii jaao to ye haq hai tum ko
Movie : Didi (1959)
Singer : Sudha Malhotra, Mukesh
Music : Sudha Malhotra (N. Dutta fell ill during the making of this movie)
Starring : Shobha Khote, Sunil Dutt

tum mujhe bhool bhii jaao to ye haq hai tum ko
merii baat aur hai maiN ne to mohabbat kii hai

mere dil kii mere jazbaat kii qeemat kyaa hai
ulajhe ulajhe se Khayaalaat kii qeemat kyaa hai
maiN ne kyooN pyaar kiyaa tum ne na kyooN pyaar kiyaa
in pareshaan sawaalaat kii qeemat kyaa hai
tum jo ye bhii na bataao to ye haq hai tum ko
merii baat aur hai maiN ne to mohabbat kii hai

zindagii sirf mohabbat nahiiN kuchh aur bhii hai
zulf-o-ruKhsaar kii jannat nahiiN kuchh aur bhii hai
bhookh aur pyaas kii maarii hu_ii is duniyaa meN
ishq hii ek haqeeqat nahiiN kuchh aur bhii hai
tum agar aaNkh churaao to ye haq hai tum ko
maiN ne tum se hii nahiiN sab se mohabbat kii hai

tum ko duniyaa ke Gam-o-dard se furasat naa sahii
sab se ulafat sahii mujh se hii mohabbat na sahii
maiN tumhaarii hooN yahii mere liye kyaa kam hai
tum mere ho ke raho ye merii qismat na sahii
aur bhii dil ko jalaao to ye haq hai tum ko
merii baat aur hai maiN ne to mohabbat kii hai

tum mujhe bhool bhii jaao to ye haq hai tum ko

0 Comments

Sahir ki yaad meN - 9th May, 2016

5/9/2016

0 Comments

Song : payaam-e-ishq-o-muhabbat hameN pasand nahiiN
Movie : Babar (1960)
Singer : Sudha Malhotra
Music : Roshan
Starring: Azra, Sohan Kapila, Shobha Khote

payaam-e-ishq-o-muhabbat hameN pasand nahiiN
ye dillagii ye sharaarat hameN pasand nahiiN

bajaa nahiiN thaa ye izahaar beqaraarii kaa
lihaaz kuchh to kiyaa hotaa pardaadaarii kaa
hayaa se itanii baGaawat hameN pasand nahiiN
payaam-e-ishq muhabbat hameN pasand nahiiN

hameN to haNs ke sitaaroN ne bhii nahiiN dekhaa
nazar milaa ke bahaaroN ne bhii nahiiN dekhaa
kisii nigaah kii jurrat hameN pasand nahiiN
ye dillagii ye sharaarat hameN pasand nahiiN

jo taKht-o-taaj ke waaris haiN un kaa pyaar hii kyaa
badalane waalii nigaahoN kaa aitabaar hii kyaa
hazoor kii ye inaayat hameN psand nahiiN
payaam-e-ishq muhabbat hameN pasand nahiiN

0 Comments

Sahir ki yaad meN - 2nd May, 2016

5/2/2016

0 Comments

Song : salaam-e-hasarat qabool kar lo
Movie : Babar (1960)
Singer : Sudha Malhotra
Music : Roshan
Starring : Azra, Sohan Kapila, Shobha Khote

salaam-e-hasarat qabool kar lo
merii muhabbat qabool kar lo
salaam-e-hasarat qabool kar lo

udaas nazareN taRap taRap kar
tumhaare jalawoN ko DhooNDhatii haiN
jo Khwaab kii tarah kho gaye
un haseen lamhoN ko DhooNDhatii haiN
agar na ho naaGawaar tum ko
to ye shikaayat qabool kar lo
salaam-e-hasrat qabool kar lo

tumheeN nigaahoN kii justajoo ho
tumheeN KhayaaloN kaa mudda'a ho
tumheeN mere waaste sanam ho
tumheeN mere waaste Khudaa ho
merii parastish kii laaj rakh lo
merii ibaadat qabool kar lo
salaam-e-hasarat qabool kar lo

tumhaarii jhukatii nazar se jab tak
na ko_ii paiGaam mil sakegaa
na rooh taskeen paa sakegii
na dil ko aaraam mil sakegaa
Gam-e-judaa_ii hai jaan lewaa
ye ik haqeeqat qabool kar lo
salaam-e-hasarat qabool kar lo

0 Comments

Sahir ki yaad meN - 25th April, 2016

4/25/2016

0 Comments

Song : tum ek baar muhabbat kaa imtahaan to lo
Movie : Babar (1960)
Singer : Mohd. Rafi
Music : Roshan
Starring : Azra, Sohan Kapila, Shobha Khote

tum ek baar muhabbat kaa imtahaan to lo
mere junooN merii wahashat kaa imtahaan to lo
tum ek baar muhabbat kaa imtahaan to lo

salaam-e-shauq pe ranjish bharaa payaam na do
mere Kholoos ko hirs-o-hawas kaa naam na do
merii wafaa kii haqeeqat kaa imtahaan to lo
tum ek baar muhabbat kaa imtahaan to lo

na taKht-o-taaj naa laal-o-gauhar kii hasarat hai
tumhaare pyaar tumhaarii nazar kii hasarat hai
tum apane husn kii azamat kaa imtihaan to lo
tum ek baar muhabbat kaa imtahaan to lo

maiN apanii jaan bhii de dooN to aitabaar nahiiN
ke tum se baRh ke mujhe zindagii se pyaar nahiiN
yooN hii sahii merii chaahat kaa imtihaan to lo
tum ek baar muhabbat kaa imtahaan to lo

0 Comments

Sahir ki yaad meN - 18th April, 2016

4/18/2016

0 Comments

Song : haseenoN ke jalwe pareshaan rahate agar ham na hote
Movie : Babar (1960)
Singers : Asha Bhonsle, Manna De, Mohd. Rafi, Sudha Malhotra, Chorus
Music : Roshan
Starring : Azra, Sohan, Shobha Khote

haseenoN ke jalwe pareshaan rahate agar ham na hote
mohabbat se tum log anjaan rahate agar ham na hote

hamiiN ne tumheN jaan-e-mehfil banaayaa
nigaahoN meN tul ne ke qaabil banaayaa
hamiiN ne sikhaayaa tumheN waar karanaa
huye qatl aur tum ko qaatil banaayaa
ye sab naaz-o-andaaz bejaan rahate agar ham na hote

hamiiN ne tumheN pyaar kii roshanii di
jo aaNchal se chhantii hai wo chaaNdanii dii
nazar se jawaanii kii shabanam looTaa ke
tamannaa ke har phool ko taazagii dii
chaman aarazooN ke veeraan rahate agar ham na hote

agar ham no hote to kyaa baat banatii
siyaa zulf kaise haseeN raat banatii
agar ham na chaahat ke sajde luTaate
Khudaa kis tarah husn kii baat banatii
butoN ko Khudaa_ii ke armaan rahate agar ham na hote

tumheN ham ne jaadoo bhare Khwaab baKhshe
andherii fizaaoN ko mahataab baKhshe
junooN ko wafaa kaa salikaa sikhaayaa
diloN ko dhaRakane ke aadaab baKhshe
ye naadaan dil yooN hii naadaan rahate agar ham na hote

jawaaN baazuoN ko lachak ham ne dii hai
haseeN chuRiyoN ko khanak ham ne dii hai
hamiiN ne bharaa loch angaRaa_iyoN meN
tumheN bijaliyoN kii chamal ham ne dii hai
tum is husn par Khud pashemaan rahate agar ham na hote

duaa do ki tum ko muhabbat sikhaa dii
murawwat kii Khaatir sharaafat sikhaa dii
hamiiN ne tumheN Dhang-e-tahzeeb baKhshaa
hamiiN ne tumheN aadamiyat sikhaa dii
zamaane meN wahashat ke saamaan rahate agar ham na hote

0 Comments

Sahir ki yaad meN - 17th October, 2016

Sahir ki yaad meN - 9th May, 2016

Sahir ki yaad meN - 2nd May, 2016

Sahir ki yaad meN - 25th April, 2016

Sahir ki yaad meN - 18th April, 2016

Sahir

Archives

Categories