Sahir Ludhianvi
  • Home
    • Contact Us
  • About Sahir
  • Filmography
  • Songs
    • A to L
    • M to Z
  • Sahir Ki Yaad MeN

Sahir ki yaad meN - 30th May, 2016

5/30/2016

1 Comment

 
Song : chaand maddham hai aasmaaN chup hai  
Movie : Railway Platform (1955)
Singer : Lata Mangeshkar
Music : Madan Mohan
Starring : Sunil Dutt, Shakeela, Nalini Jaywant

chaaNd maddham hai aasmaan chup hai
neeNd kii god meN jahaaN chup hai
chaaNd maddham hai

door waadii meN doodhiyaa baadal
jhuk ke parbat ko pyaar karate haiN 
dil meN naakaam hasarateN lekar
ham teraa iNtazaar karate haiN

in bahaaroN ke saaye meN aajaa
phir mohabbat jawaaN rahe na rahe
zindagii tere naamuraadoN par
kal talak mahar_baan rahe na rahe

roz kii tarah aaj bhii taare
subah kii gard meN na kho jaaye
aa tere Gam meN jaagatii aaNkheN
kam-se-kam ek raat so jaaye
chaaNd maddham hai aasmaan chup hai
​

1 Comment

Sahir ki yaad meN - 23rd May, 2016

5/23/2016

0 Comments

 
Song : kabhii kabhii mere dil meN Khayaal aataa hai
Movie : Kabhi Kabhi (1976)
Singer : Mukesh
Music : Khaiyyam
Starring : Amitabh Bachchan, Rakhee, Waheeda Rehman, Shashi Kapoor, Rishi Kapoor, Neetu Singh, Simi Garewal

kabhii kabhii mere dil meN Khayaal aataa hai
ke jaise tujh ko banaayaa gayaa hai mere liye 
tuu ab se pahale sitaaroN meN bas rahii thii kahiiN 
tujhe zameeN pe bulaayaa gayaa hai mere liye 
kabhii kabhii mere dil meN Khayaal aataa hai

kabhii kabhii mere dil meN Khayaal aataa hai
ke ye badan ye nigaaheN merii amaanat haiN
ye gesuoN kii ghanii chhaaNv hai merii Khaatir
ye hoNTh aur ye baaheN merii amaanat haiN
kabhii kabhii mere dil meN Khayaal aataa hai

kabhii kabhii mere dil meN Khayaal aataa hai
ke jaise tuu mujhe chaahegii umr bhar yooN hii
uThegii merii taraf pyaar kii nazar yooN hii
maiN jaanataa hooN ke tuu Gair hai magar yooN hii
kabhii kabhii mere dil meN Khayaal aataa hai

kabhii kabhii mere dil meN Khayaal aataa hai
ke jaise bajatii haiN shahanaaiyaaN sii raahoN meN
suhaag raat hai ghooNghaT uThaa rahaa hooN maiN 
simaT rahii hai tuu sharmaa ke apanii baahoN meN
kabhii kabhii mere dil meN Khayaal aataa hai


0 Comments

Sahir ki yaad meN - 16th May, 2016

5/16/2016

0 Comments

 
Song : maayoos to hooN waade se tere 
Movie : Barsaat Ki Raat (1960)
Singer : Mohd. Rafi
Music : Roshan
Starring : Bharat Bhushan, Madhubala

maayoos to hooN waade se tere kuchh aas nahiiN kuchh aas bhii hai 
maiN apane KhayaaloN ke sadqe  tuu paas nahiiN aur paas bhii hai 

ham ne to Khushii maaNgii thii magar jo tuune diyaa achchhaa hii diyaa 
jis Gam kaa ta_aalluuq ho tujh se wo raas nahiiN aur raas bhii hai 

palkoNn se larazate ashkoN se tasveer jhalakatii hai terii
deedaar kii pyaasii aaNkhoN ko ab pyaas nahiiN aur pyaas bhii hai

​
0 Comments

Sahir ki yaad meN - 9th May, 2016

5/9/2016

0 Comments

 
Song : payaam-e-ishq-o-muhabbat hameN pasand nahiiN
Movie : Babar (1960)
Singer : Sudha Malhotra
Music : Roshan
Starring: Azra, Sohan Kapila, Shobha Khote

payaam-e-ishq-o-muhabbat hameN pasand nahiiN
ye dillagii ye sharaarat hameN pasand nahiiN

bajaa nahiiN thaa ye izahaar beqaraarii kaa
lihaaz kuchh to kiyaa hotaa pardaadaarii kaa
hayaa se itanii baGaawat hameN pasand nahiiN
payaam-e-ishq muhabbat hameN pasand nahiiN

hameN to haNs ke sitaaroN ne bhii nahiiN dekhaa
nazar milaa ke bahaaroN ne bhii nahiiN dekhaa
kisii nigaah kii jurrat hameN pasand nahiiN
ye dillagii ye sharaarat hameN pasand nahiiN

jo taKht-o-taaj ke waaris haiN un kaa pyaar hii kyaa
badalane waalii nigaahoN kaa aitabaar hii kyaa
hazoor kii ye inaayat hameN psand nahiiN
payaam-e-ishq muhabbat hameN pasand nahiiN

0 Comments

Sahir ki yaad meN - 2nd May, 2016

5/2/2016

0 Comments

 
Song : salaam-e-hasarat qabool kar lo
Movie : Babar (1960)
Singer : Sudha Malhotra
Music : Roshan
Starring : Azra, Sohan Kapila, Shobha Khote

salaam-e-hasarat qabool kar lo
merii muhabbat qabool kar lo
salaam-e-hasarat qabool kar lo 

udaas nazareN taRap taRap kar
tumhaare jalawoN ko DhooNDhatii haiN
jo Khwaab kii tarah kho gaye
un haseen lamhoN ko DhooNDhatii haiN
agar na ho naaGawaar tum ko
to ye shikaayat qabool kar lo
salaam-e-hasrat qabool kar lo 

tumheeN nigaahoN kii justajoo ho
tumheeN KhayaaloN kaa mudda'a ho
tumheeN mere waaste sanam ho
tumheeN mere waaste Khudaa ho
merii parastish kii laaj rakh lo
merii ibaadat qabool kar lo
salaam-e-hasarat qabool kar lo 

tumhaarii jhukatii nazar se jab tak
na ko_ii paiGaam mil sakegaa
na rooh taskeen paa sakegii
na dil ko aaraam mil sakegaa
Gam-e-judaa_ii hai jaan lewaa
ye ik haqeeqat qabool kar lo
salaam-e-hasarat qabool kar lo 

0 Comments

    Sahir

    "maiN pal do pal kaa shaayar hooN..."

    Archives

    October 2018
    January 2018
    October 2017
    January 2017
    October 2016
    September 2016
    August 2016
    July 2016
    June 2016
    May 2016
    April 2016
    March 2016
    February 2016

    Categories

    All
    40s
    50s
    60s
    70s
    80s
    Aaj Aur Kal
    Alif Laila
    Anil Biswas
    Asha Bhonsle
    Azadi Ki Raah Par
    Babar
    Bahu Begum
    Barsaat Ki Raat
    B. S. Nanji
    Chambal Ki Kasam
    Char Dil Char Rahen
    Chitralekha
    Daag
    Dastaan
    Dharmaputra
    Dhool Ka Phool
    Didi
    Ek Mahal Ho Sapnon Ka
    G. D. Kapoor
    Gumraah
    Hum Dono
    Jaal
    Jaidev
    Jairaj
    Kaajal
    Kabhi Kabhi
    Khaiyyam
    Kishore Kumar
    Kumkum
    Laila Majnu
    Lata Mangeshkar
    Laxmikant Pyarelal
    Leena Chandravarkar
    Madan Mohan
    Mahendra Kapoor
    Mala Sinha
    Manna De
    Meena Kapoor
    Meena Kumari
    Moushumi
    Mukesh
    Nalini Jaywant
    N. Dutta
    Nimmi
    Padmini Kolhapure
    Phir Subah Hogi
    Pyaasa
    Raaj Kumar
    Rafi
    Railway Platform
    Rajesh Khanna
    Raj Kapoor
    Ranjita
    Ravi
    R. D. Burman
    Rehman
    Rishi Kapoor
    Roshan
    Sadhana
    Sahir Ki Yaad MeN
    Sazaa
    S. D. Burman
    Shagun
    Shakeela
    Shammi Kapoor
    Sharmila Tagore
    Shashikala
    Shashi Kapoor
    Shatrughan Sinha
    Shobha Khote
    Shyam Sundar
    Sudha Malhotra
    Suman Kalyanpur
    Sunil Dutt
    Sushma Shreshta
    The Burning Train
    Trishul
    Usha Mangeshkar
    Waqt
    Yesudas

    RSS Feed

© Nita Awatramani 2017